ଖରା ବର୍ଷା ହେଇ
ବର୍ଷା ସୀତ ହେଇ
ବର୍ଷୁଛି ଯେ ବର୍ଷୁଛି
ଉଲଗ୍ନ କଙ୍କାଳ ମୋର ଅଗଣାରେ
କେଉଁ ଅନନ୍ତ କାଳରୁ
ଭିଯୁଛି ତ ଭିଯୁଛି ।ଅଧା ଭୋକରେ
ଅଧା ଭୋକରେ ,
କବର ତଳୁ
ଧସି ଯାଇଥିବା
ମାଟି ମୁଠାଏ ପାଇଁ
ଲଢ଼ୁଛି ତ ଲଢ଼ୁଛି ।
© ଅକ୍ଷୟ ସାହୁ
ଅଵିଶ୍ରାନ୍ତ
ଆଉ ଥରେ ଥକି ଯିବନି ଭାବି
ପୁଣି ଥରେ ବାଟ ଚାଲିଲି ,
ମନର ବୟସ ବଢି ନ ଥିଲା ବୋଧେ ,
ସ୍ୱପ୍ନମାନେ ସେଠି ପାଇଁ ଦୂରେଇ ନ ଥିଲେ । ୧ ।
କାହାକୁ ପଢିବାକୁ ଇଚ୍ଛା କଲିନି ,
ସବୁ ଚେହେରା ନୂଆ ରହିବ ବୋଲି ,
ସଂପର୍କ ଏବଂ ସ୍ମୃତି ଶବ୍ଦ ଗୁଡାକୁ ପୋଛିଦେଲି
ଆଉ କିଛି ଭାଙ୍ଗି ଯିବନି ବୋଲି । ୨ ।
ନୂଆ ରହିଲେ ସବୁକିଛି କେତେ ସୁନ୍ଦର
ହୃଦୟର ସ୍ଵଚ୍ଛତାରେ କେହି ନୁହେଁ ପର ଓ ନିଜର
ଶରୀର ଯଦି ପାର୍ଥିବ, ମନ କଥା ମନରେ ହିଁ ରହୁ
ସ୍ରଷ୍ଟାର ଇଙ୍ଗୀତରେ ଚାଳିତ , ଏ ଜୀବନ ସମ୍ଭାର
ସମୟର କଷଟିରେ ସତେଜ ଓ ଅବିଶ୍ରାନ୍ତ ରହୁ । ୩ ।
©ଅକ୍ଷୟ ସାହୁ